Памерла самая разумная малпа ў свеце, якая ведала больш за 300 слоў, гатавала і гуляла ў Minecraft
Канзі — баноба з дзіўнымі моўнымі здольнасцямі і талентам да навучання, памёр ва ўзросце 44 гадоў.
Гэты прымат ведаў больш за 300 слоў, умеў размаўляць праз сімвалы, разумець англійскую мову і нават гуляць у відэагульні. Канзі называлі «геніем сярод малпаў». Яго інтэлект быў супастаўны з інтэлектам двух—трохгадовага дзіцяці.
Як паведамляе партал Live Science, Канзі, самец баноба, чыё жыццё стала мастом паміж чалавечым і жывёльным светам, памёр у сакавіку. Ён жыў у навукова-даследчым цэнтры Great Ape Trust, штат Аёва, дзе стаў легендай дзякуючы сваім уражлівым кагнітыўным здольнасцям.
Канзі нарадзіўся ў 1980 годзе і з маленства назіраў, як навукоўцы спрабуюць навучыць яго прыёмную маці мове сімвалаў. Але замест яе навучанне засвоіў ён сам — прычым з дзіўнай лёгкасцю. На той момант, калі навукоўцы ўсвядомілі яго здольнасці, ён ужо ведаў дзясяткі лексіграм (сімвалаў, што абазначаюць словы).
З цягам часу Канзі вывучыў больш за 300 слоў, разумеў простую англійскую гаворку і нават ствараў новыя камбінацыі сімвалаў, фармуючы складаныя ідэі. У адным з эксперыментаў ён паказаў узровень разумення мовы, супастаўны з двухгадовым дзіцём.
Баноба, які гатаваў і гуляў у Minecraft
Але інтэлект Канзі не абмяжоўваўся мовай. Ён умеў ствараць і выкарыстоўваць каменныя прылады, распальваць агонь і гатаваць ежу — навыкі, што граюць ключавую ролю ў эвалюцыі чалавека.
Пазней даследчыкі навучылі яго гуляць у відэагульні. Канзі лёгка авалодаў класічным Pac-Man, а потым здолеў перамагчы фінальнага боса ў відэагульні Minecraft, што стала сапраўднай нечаканасцю нават для даследчыкаў.
18 сакавіка супрацоўнікі Ape Initiative знайшлі Канзі без прыкмет жыцця. У яго дыягнаставалі хваробу сэрца, але дакладная прычына смерці стане вядомая пасля правядзення ўскрыцця. Канзі было 44 гады.
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае23
Каментары
Pra videahuļni i nie kažu navat...