Мужчына з жанчынай спрабавалі на світанку пераплыць Бярэзіну, ды не разлічылі сілы
29 чэрвеня а чацвёртай гадзіне раніцы ў Бабруйску дзяжурны матарыст АСВОД заўважыў, як мужчына і жанчына пераплываюць Бярэзіну. Але неўзабаве пару стала адносіць плынню, і ім не хапала сіл дабрацца да берага.
![](http://nnexpictures.fra1.digitaloceanspaces.com/img/w732d4webp1/photos/z_2024_06/__-qn1n8.jpg.webp)
Рака Бярэзіна пад Бабруйскам. Фота: Wikimedia Commons
Добра, што ўсё адбывалася за 100 метраў ад выратавальнай станцыі АСВОД, таму дзяжурны выратавальнік падплыў да плыўцоў на маторнай лодцы, падабраў іх і даставіў на бераг.
У выніку 35-гадовы мужчына і 30-гадовая жанчына не пацярпелі.
Каментары