Мясцовыя жыхары баяцца застацца без ураджаю.
У Салігорскім раёне ў вёсцы Чыжэвічы адбываецца нашэсце велізарных смаўжоў, піша Blizko.by са спасылкай на «Салігорскі тэлевізійны канал».
Людзі распавялі, што іх агароды атакуюць велізарныя смаўжы, якія ядуць літаральна ўсе расліны — ад гародніны да кветак. Мясцовыя жыхары баяцца застацца без ураджаю.
Адзначаецца і тое, што побач з участкамі ёсць канава і шмат дрэў, якія ствараюць цень. Усё гэта спрыяюць таму, што смаўжы хутка размнажаюцца і растуць. Дарослыя асобіны могуць дасягаць памеру да 15 сантыметраў у даўжыню.
Спецыялісты адзначаюць, што з'яўленне такога ліку шкоднікаў тлумачыцца ўмовамі надвор'я, — багатыя ападкі і цяпло.
Дадамо і тое, што дзейснага спосабу для фермераў пазбавіцца ад такіх шкоднікаў, цяпер няма. Змагацца з імі можна адмысловымі пасткамі, збіраць уручную, а таксама разводзіць качак, якія будуць есці смаўжоў.
Каментары