Спробы незаконнага перасячэння мяжы фіксуюць памежнікі Латвіі і Польшчы.
Фота: vsat.lt
Дзявяты дзень запар на мяжы Беларусі і Літвы не было выяўлена ніводнага нелегальнага мігранта.
Пра гэта паведаміла памежная служба Літвы, піша LRT.
Літоўскім суседзям пашанцавала менш. Латвійскія памежнікі затрымалі 6 ліпеня 70 мігрантаў, а польскія ўлады 5 ліпеня забаранілі ўезд 44 замежнікам, якія спрабавалі незаконна перасекчы мяжу.
Сёлета памежная служба Літвы прадухіліла ўезд у краіну з Беларусі 253 нелегальных мігрантаў.
Прыток мігрантаў ва ўсходнія краіны Еўрасаюза з Беларусі пачаўся ў 2021 годзе, і ў яго арганізацыі Захад абвінавачвае рэжым Лукашэнкі.
Тады з Беларусі ў Літву нелегальна прыбылі амаль 4,2 тысячы мігрантаў, але большасць з іх пакінулі краіну пасля зняцця абмежаванняў на перамяшчэнне.
За гэты перыяд літоўскія памежнікі прыцягнулі больш за 22 тысячы мігрантаў. Некаторыя замежнікі спрабавалі перасекчы мяжу нелегальна некалькі разоў.
Польшча за апошнія тыдні неаднаразова пагражала цалкам закрыць мяжу з Беларуссю праз крызіс з мігрантамі. Пасля сустрэчы прэзідэнта Польшчы Анджэя Дуды са Старшынёй КНР Сі Цзіньпінам МЗС Кітая ўпершыню публічна пракаментаваў сітуацыю. У ведамстве заявілі, што Кітай спадзяецца на дээскалацыю канфлікту без закрыцця мяжы.
Пасля кітайскага папярэджання колькасць мігрантаў на мяжы скарацілася.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары