Панэлька ў Мінску з-за ўрагану начыста страціла прыроднае ўпрыгожанне ФОТАФАКТ
Знакамітая мінская панэлька на вуліцы Макаёнка з-за нядаўняга ўрагану страціла вялізны вінаграднік на фасадзе. Пра гэта расказаў адзін з чытачоў выдання «Анлайнер».
Расліна не патрабавала догляду і самастойна распаўзалася па сценах дома. Жыхарам заставалася хіба што падрэзаць лазу, якая навязліва лезла ў вокны. Але цяпер эфектны «сімбіёз» шэрага бетону з жывой прыродай можна ўбачыць хіба што на малюнках: вінаграднік зрэзалі.
Журналісты звязаліся з ЖЭУ №3 Першамайскага раёна, які абслугоўвае шматпавярховік на вуліцы Макаёнка, 13а, каб даведацца, куды дзеўся вінаграднік.
«Так, сапраўды, расліну прыйшлося зрэзаць. 13 ліпеня ў Мінску бушаваў ураган, які вырваў частку расліны з 3-га па 9-ы паверх, і яна пачала ўяўляць пагрозу. З-за ветру сцябліны раслін стукалі ў вокны і маглі лёгка разбіць шкло. Жыхары сталі актыўна тэлефанаваць у дыспетчарскую і МНС з просьбамі хутчэй зрэзаць вінаграднік».
Па словах камунальнікаў, нягледзячы на ўсю прыгажосць зеляніны, яна дастаўляла дыскамфорт уладальнікам кватэр панэлькі, таму малаверагодна, што ёй дадуць магчымасць разрасціся зноў.
У найбліжэйшы час вінаграднік высекуць пад корань.
Экс-палітзняволеная расказала, як выходзіла па памілаванні і пра тое, што чуваць пра Калеснікаву1
Каментары
А то страна саветау́ працягвае жыць праз такіх лузерау́ і бесталачау́...