Прэзідэнт Украіны сёння прыняў з традыцыйным дакладам галоўнакамандуючага УСУ Аляксандра Сырскага. Пра вынікі размовы Уладзімір Зяленскі тэзісна паведаміў у фэйсбуку.
«Першае — Тарэцкі і Пакроўскі напрамкі [на Данбасе]. За суткі дзясяткі расійскіх штурмаў нашых пазіцый. Але нашы воіны і падраздзяленні робяць усё для знішчэння акупанта і адбіцця штурмаў. Сітуацыя кантраляваная.
Другое — аперацыя ў Курскай вобласці. На сённяшнюю раніцу ёсць папаўненне абменнага фонду для нашай дзяржавы. Дзякуй усім салдатам і камандзірам, якія бяруць расійскіх вайскоўцаў у палон і гэтым набліжаюць вызваленне нашых воінаў і цывільных, якія ўтрымліваюцца Расіяй.
Таксама генерал Сырскі далажыў аб умацаванні пазіцый нашых сіл на Куршчыне і пашырэнні стабілізаванай тэрыторыі.
Трэцяе — забеспячэнне нашых дзеянняў зброяй і моцнымі рашэннямі. Працуем над новымі пакетамі падтрымкі для нашай дзяржавы ад партнёраў. Вызначаем прыярытэтныя пункты. Галоўнае — абмежаванне расійскага наступальнага патэнцыялу і наша дальнабойнасць. Рыхтуем адпаведныя даручэнні ўкраінскім дыпламатам», — напісаў Уладзімір Зяленскі.
Наступ Украіны ў Курскай вобласці сарваў таемныя перамовы з Расіяй аб частковым спыненні агню — WP
Украіна адказала на абвінавачванні ў планах нібыта атакаваць Запарожскую і Курскую АЭС
З‘явілася ВІДЭА знішчэння маста ў Курскай вобласці
Украінскія войскі прасунуліся ў Курскай вобласці яшчэ на 1-3 км — Сырскі
На сустрэчы Снапкова з бізнэсам адзін з запрошаных заклікаў зняць відэазварот «Надо!» Як адрэагавалі астатнія?12
Каментары