У Брэсцкім раёне накрылі сакрэтны пункт па вытворчасці беспілотнікаў
Учора брэсцкія памежнікі правялі агляд нежылых памяшканняў у адной з вёсак. У пабудовах выяўленыя і канфіскаваныя сем беспілотнікаў самалётнага тыпу, антэны, акумулятары, пульты кіравання, цеплавізар і іншыя камплектуючыя.
Усе прадметы належаць тром грамадзянам Беларусі. У дачыненні да мужчын пачаты адміністрацыйны працэс, распавялі ў ДПК.
Зараз праводзяцца далейшыя аператыўна-вышуковыя мерапрыемствы для ўстанаўлення ўсіх фактаў супрацьпраўнай дзейнасці зламыснікаў.
Нагадваем, што з 1 красавіка ўступіў у сілу ўказ Лукашэнкі «Аб дзяржаўным уліку і эксплуатацыі грамадзянскіх беспілотных лятальных апаратаў». Дакументам забараняецца ўвоз, захоўванне, абарот, эксплуатацыю і выраб беспілотнікаў і выкарыстанне паветранай прасторы Рэспублікі Беларусь без належнага дазволу. Інакш штраф да 50 базавых.
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары
Ну навошта так проста ў адкрытую рэтрансляваць лукашыстаў? Які зламыснікі? Адкуль вы пацвердзілі (з двух незалежнах крыніц, так жа ж?) інфармацыю, што ў іх з тымі беспілотнікамі былі нейкія злыя мыслі?
Можа, яны расійкія войскі тымі беспілотнікамі знішчыць хацелі. Хіба ж гэта злыя намеры? Гэта ж толькі да лепшага!