У Бабруйску мужчына збіў чалавека клюшкай, а пасля пашкодзіў некалькі аўто
Гараджанін пад градусам выйшаў пагуляць са спартыўным інвентаром.
Ілюстратыўнае фота: «Динамо» Мінск
У міліцыю звярнуўся жыхар Бабруйска: ён паведаміў, што невядомы на вуліцы збіў яго хакейнай клюшкай.
Неўзабаве сілавікі знайшлі нападніка. Ім аказаўся 36-гадовы мужчына, паведамляецца, што ён быў п'яны.
Высветлілася, што збіццём мінака справа не абмежавалася: бабруйчанін затым вырашыў спагнаць гнеў на прыпаркаваных аўтамабілях. У выніку ён пашкодзіў бампер і фары ў некалькіх машынах.
Сілавікі цяпер высвятляюць прычыны такіх паводзін. Заведзеная крымінальная справа аб хуліганстве.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку15
Каментары