На Зыбіцкай іншаземка кінула ў бармена касавы тэрмінал. Што здарылася?
Ёй падалося, што бармен не хоча дапамагчы.
Іншаземка ў кампаніі адпачывала ва ўстановах на Зыбіцкай у Мінску. У нейкі момант усе разышліся па дамах, але 27-гадовая дзяўчына заўважыла, што ключы ад яе кватэры засталіся ў знаёмага.
Яна зайшла ў адну з устаноў і папрасіла дзяўчыну за барнай стойкай выклікаць міліцыю. Тая ветліва сказала, што госця можа зрабіць гэта сама, і працягнула ёй мабільны тэлефон, пішуць «Мінск-Навіны».
Дзяўчына ўспрыняла такі зваротны жэст як нежаданне дапамагчы і запусціла ў супрацоўніцу бара касавым тэрміналам. Тая ў выніку атрымала траўмы.
Канфлікт трапіў на камеры назірання, дзяўчыну затрымалі і ўзялі пад варту. У пракуратуры расказалі, што іншаземка жыве ў Мінску і працуе менеджарам, гэта першая ў яе жыцці крымінальная справа.
Дзяўчыну абвінавачваюць у асабліва злосным хуліганстве, санкцыя артыкула прадугледжвае ад трох гадоў хатняй хіміі да дзесяці гадоў калоніі.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца2
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары