ВПС Турцыі нанеслі ўдары па цэлях на поўначы Сірыі і Ірака. Напярэдадні, 23 кастрычніка, у Анкары адбыўся тэракт.
Турэцкія вайскоўцы правялі паветраныя аперацыі супраць тэрарыстычных цэляў на поўначы Ірака і Сірыі. Усяго было «паспяхова знішчана» 32 цэлі, паведамляе Мінабароны Турцыі.
Турэцкія вайскоўцы падкрэслілі, што аперацыя была праведзена «ў адпаведнасці з нашымі правамі на самаабарону, якія выцякаюць з артыкула 51 Статута ААН».
«Падчас гэтых аперацый былі прыняты ўсе меры засцярогі, каб прадухіліць шкоду бязвінным грамадзянскім асобам, гістарычным і культурным каштоўнасцям і навакольнаму асяроддзю», — гаворыцца ў паведамленні.
Напярэдадні ў Анкары каля будынка авіякасмічнай кампаніі — вытворцы ваенных самалётаў і касмічнага абсталявання — прагрымеў выбух, затым была перастрэлка. Былі забіты двое тэрарыстаў. Ахвярамі тэракту сталі пяць чалавек, яшчэ 22 пацярпелі. Улады Турцыі мяркуюць, што тэракт учынілі члены Рабочай партыі Курдыстана.
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі3939
Каментары