28 кастрычніка ў Гродне памёр Мікалай Окаракаў, харэограф і стваральнік Народнага ансамбля танца «Вянок», паведамляе Hrodna.life. Яму было 78 гадоў.
Выпускнік Гродзенскага культурна-асветніцкага вучылішча, Мікалай Окаракаў прысвяціў жыццё беларускай народнай культуры, перадаючы любоў да танца многім пакаленням.
Окаракаў быў апантаны танцам і музыкай, а яго вучні і сёння лічаць калектыў «Вянок» сваёй сям’ёй. Адна з былых удзельніц ансамбля Аксана Прус, якая прысвяціла гэтаму калектыву 15 гадоў — з 17 да 32 гадоў, адзначыла на сваёй старонцы ў фэйсбуку, як моцна паўплываў на яе Окаракаў як настаўнік.
Цяпер у Польшчы працягвае сваю дзейнасць «Падляшскі Вянок», які захоўвае фрагменты беларускіх танцаў, перанятых у тым ліку ў ансамблі Окаракава. Гэтыя танцы цяпер перадаюцца новым вучням, працягваючы справу, якую пачаў Мікалай Міхайлавіч.
Цяпер чытаюць
Куды цяпер едуць вучыцца беларускія студэнты — топ краін і тэндэнцый14
Каментары