Лідарка літоўскіх сацыял-дэмакратаў адмовілася ўзначаліць урад. Прычына нечаканая
Сёння Літоўская сацыял-дэмакратычная партыя сабралася на пасяджэнне прэзідыума, каб абмеркаваць фарміраванне кіроўнай кааліцыі пасля перамогі на выбарах у Сейм. Усе думалі, што новай прэм'еркай будзе лідарка гэтай партыі Вілія Блінкявічуце, але яна на пасяджэнні паведаміла калегам, што не хоча гэтага. Адмову ад прэтэнзій на пасаду яна матывавала ўзростам (ёй 64 гады) і станам здароўя, піша LRT.
На месца прэм'ера Блінкявічуце прапанавала ранейшага кіраўніка ЛСДП (у 2017-2021 гадах) 45-гадовага Гінтаўтаса Палуцкаса, падкрэсліўшы, што ў яго больш якасцяў, неабходных для кіраўніка ўрада, такіх як маладосць і энергія.
Блінкявічуце адзначыла, што прэзідыум адзінадушна пагадзіўся, што найлепшым кандыдатам на пасаду з’яўляецца Палуцкас, якому давяраюць амаль 60 тысяч літоўскіх выбаршчыкаў. Пасля пасяджэння прэзідыума яна дадала:
«Я перакананая, што для чалавека майго ўзросту, які ўжо на пенсіі, было б складана эфектыўна выконваць абавязкі прэм’ера».
На пытанне, чаму ж яна перад тым два месяцы заяўляла, што будзе ўзначальваць урад, Блінкявічуце канкрэтнага адказу не дала. Перад выбарамі і падчас іх рыторыка на тэму ролі ў новым урадзе змянялася некалькі разоў. Спачатку палітык заяўляла, што ўзначаліць сацыял-дэмакратаў на выбарах і возьме на сябе адказнасць. У працэсе кампаніі яна ўсё часцей абмяркоўвала сваю ролю ва ўрадзе, а таксама фармаванне ўрада сумесна з прэзідэнтам, а перад выбарамі сцвярджала, што будзе прэм'ер-міністрам.
Цяпер жа замест прэм'ерства Вілія Блінкявічуце працягне працу ў Еўрапарламенце.
Прэзідэнт Літвы Гітанас Наўседа, выступаючы на тэлебачанні, пацвердзіў, што Блінкявічуце была з ім адкрытай, паведамляючы пра прычыны, якія перашкаджаюць ёй заняць пасаду. Ён адзначыў, што шэраг фактараў, якія маглі б ускладніць працу на гэтай пасадзе, лепш не агучваць публічна, паколькі гэта было б неэтычна.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
Яны падступныя і хітрыя:
Яны на кіпці клеюць кіпці,
Малююць бровы на бывах🙂