Польскі суд адмовіў у экстрадыцыі беларускага актывіста Дзмітрыя Плескачова
28 лістапада акруговы суд Познані пастанавіў адмовіць у экстрадыцыі беларуса Дзмітрыя Плескачова. Суд прызнаў, што запыт аб экстрадыцыі актывіста, якога пераследваў рэжым Лукашэнкі, палітычна матываваны, паведамляе Офіс Святланы Ціханоўскай.
«Экстрадыцыя стала б грубым парушэннем прынцыпаў міжнароднага права. Мы ўдзячныя польскім уладам за іх паслядоўную падтрымку ў барацьбе за дэмакратычныя каштоўнасці і абарону правоў беларусаў і беларусак», — адзначыў пасля заканчэння пасяджэння Леанід Марозаў, дарадца Святланы Ціханоўскай па прававых пытаннях.
Важна падкрэсліць: прадстаўнік польскай пракуратуры таксама заявіў аб незаконнасці патрабаванняў рэжыму Лукашэнкі аб экстрадыцыі.
Адмова ў экстрадыцыі стала магчымай дзякуючы зладжанай працы дэмакратычных сіл і польскага адваката, які прадстаўляў інтарэсы Дзмітрыя ў судзе.
Офіс Святланы Ціханоўскай загадзя атрымаў інфармацыю пра гэтую справу ад прадстаўніцы АПК па сацыяльнай палітыцы Вольгі Зазулінскай і праваабарончай арганізацыі Dissident.by. Юрыдычная каманда Офіса аказала неабходную падтрымку і дапамогу Дзмітрыю і прысутнічала на пасяджэнні.
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2020
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі20
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары