Расіянка прабралася без квітка на самалёт і даляцела на ім з ЗША ў Парыж
У аэрапорце Нью-Ёрка пасажырка-безбілетніца змагла пракрасціся на борт самалёта без пасадачнага талона. Пры гэтым яна бесперашкодна прайшла ўсе кантрольна-прапускныя пункты, піша CNN.
Пасажыры авіярэйса Нью-Ёрк — Парыж звярнулі ўвагу на дзіўную жанчыну, якая ляцела з імі ў самалёце. На працягу сямі гадзін палёту пасажырка паводзіла сябе неспакойна і ўвесь час курсіравала паміж чатырма туалетнымі кабінкамі.
Спачатку падарожнікі падумалі, што жанчына не вельмі здаровая, і паведамілі пра гэта сцюардэсе. Але пасля праверкі стала зразумела, што ў невядомай жанчыны няма квітка. Як пры гэтым ёй удалося пракрасціся на борт самалёта — не зразумела.
У парыжскім аэрапорце Шарля дэ Голя жанчыну затрымала паліцыя. Быў зроблены запыт у нью-ёркскі аэрапорт Джона Ф. Кэнэдзі, адкуль паведамілі, што ў персанала пытанняў да жанчыны не ўзнікла, і яна змагла спакойна прайсці ўсе кантрольна-прапускныя пункты. Як гэта магло атрымацца без пасадачнага талона трапіць у салон самалёта, засталося адкрытым.
Падчас палёту пасажырам рэйса не сталі гаварыць, што на борце знаходзіцца безбілетніца. Толькі пасля прызямлення пілот самалёта звярнуўся да пасажыраў па гучнай сувязі і папрасіў усіх заставацца на месцах датуль, пакуль жанчыну не забярэ паліцыя.
Высветлілася, што ў самалёце не было свабодных месцаў, і менавіта таму жанчына ўсе сем гадзін палёту была вымушаная знаходзіцца ў розных туалетных кабінках. У адну з іх яна схавалася непасрэдна перад узлётам.
Пра безбілетніцу вядома, што ёй 55-60 гадоў, у яе расійскі пашпарт і грын-карта ЗША. Парушальніцу плануюць адправіць назад у Штаты, а ў інцыдэнце будуць разбірацца.
Пра гэтую гісторыю ў сацыяльных сетках расказаў пасажыр рэйса Роб Джэксан. Акрамя гэтага, ён паведаміў, што праз безбілетніцу пасля прызямлення самалёта астатнім пасажырам давялося правесці ў самалёце яшчэ 40 хвілін, пакуль 7 супрацоўнікаў паліцыі не падняліся на борт.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары