Украіна атрымае 50 мільярдаў даляраў з замарожаных актываў Расіі ў найбліжэйшыя тыдні
Пра намер максімальна хутка перадаць расійскія грошы Украіне заявіў на брыфінгу дзяржаўны сакратар ЗША Энтані Блінкен.
Паводле слоў Энтані Блінкена, ёсць скаардынаваны план ЗША і Еўрасаюза па хуткай перадачы сродкаў Украіне.
«Цяпер мы на аснове замарожаных расійскіх актываў павінны атрымаць 50 мільярдаў даляраў, якія пойдуць Украіне. Гэтыя грошы пойдуць ад нас у наступныя тыдні, а таксама ад Еўропы, і гэта падтрымае Украіну на час у наступным годзе», — заявіў дзяржсакратар ЗША.
Ён падкрэсліў, што саюзнікі працягваюць працу над тым, каб пераканацца, што ва Украіны ёсць грошы і рэсурсы, неабходныя для падтрымкі эканомікі і абароны.
«Боепрыпасы, усё, што з гэтым звязана, хай гэта будуць СПА, ракеты ці бронетэхніка. Мы працуем вельмі рашуча, каб пераканацца, што на многія месяцы наперад Украіна будзе мець тое, што ёй трэба. Злучаныя Штаты робяць усё, што могуць», — дадаў Блінкен.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў1
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары