Напярэдадні святаў квіткі на аўтобус з Мінска ў Вільню адчувальна даражэюць
Амаль да канца наступнага тыдня квіткі на аўтобус Мінск-Вільня можна набыць па цане ад 100 рублёў. Але пасля 20-х чысел усе перавозчыкі адчувальна падымаюць цэны.
Святы набліжаюцца — цэны растуць. З 21 снежня «Экалайнс» прапаноўвае квіткі па 230 рублёў (на ранейшыя даты ёсць варыянты за 110 рублёў).
Іншы папулярны перавозчык — «Еўралайнс» — замест звыклых 175 рублёў пачынае прасіць ад 200 да 280 рублёў за квіток. «Мінсктранс» таксама павышае цэны з 175 да 200 рублёў.
Рэпутацыю самага таннага перавозчыка працягвае падтрымліваць «Атлас». Але і тут без павышэння не абышлося: калі на даты да 18 снежня мінімальны кошт квітка складае 100 рублёў (і да 175 рублёў), то пасля — ад 140 рублёў (і да 200 рублёў).
Пакуль выглядае так, што пасля навагодніх свят (і марафону студзеньскіх выходных у Беларусі) цэны на квіткі з беларускай сталіцы ў літоўскую зноў паменшаюць, але не ва ўсіх перавозчыкаў.
Напрыклад, на 13 студзеня «Еўралайнс» зноў прадае квіткі па 175 рублёў, у «Мінсктранса» таксама з'яўляюцца прапановы па такім кошце. «Экалайнс» пакідае цану ў 230 рублёў.
А вось у «Атласа» пакуль наадварот бачна павышэнне цэн. Самая позняя дата, на якую ў перавозчыка можна купіць білет — 11 студзеня. І білеты ў Вільню на яе прадаюць па 175-180 рублёў.
Нагадаем: Літва імкнецца паменшыць колькасць дазволаў для беларускіх і літоўскіх кампаній, якія займаюцца пасажырскімі перавозкамі. Атрымліваецца так, што пасля заканчэння тэрміну дзеяння дазволу на перавозкі перавозчыкі не атрымліваюць новыя і таму вымушаныя сысці.
Калі да 1 сакавіка 2024 года людзей з Беларусі ў Літву вазілі 58 перавозчыкаў, то цяпер іх засталося 35. Плануецца, што да лютага 2025 года іх колькасць паступова будзе зніжана да 29, агучвала лічбы ў эфіры LRT міністр унутраных спраў Літвы Агне Білатайце.
Квіткі з Мінска ў Вільню адчувальна падаражэлі. З чым гэта звязана і чаму цэны могуць узляцець яшчэ больш?
Больш за 60 еўра ў кашальку — будуць праблемы? На выездзе з Літвы беларусы сутыкаюцца з новымі цяжкасцямі
Мігрант на беларуска-польскай мяжы схаваўся за прыбіральняй. Але не ўлічыў адзін нюанс ВІДЭА
Прэм'ер Польшчы заявіў, што ў ЕС разумеюць яго міграцыйную палітыку
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары