Пацярпелую пры пажары ў віцебскім гандлёвым цэнтры «Беларусь» пацыентку, якая знаходзіцца на апараце штучнай вентыляцыі лёгкіх (ШВЛ), перавезлі ў бальніцу хуткай медыцынскай дапамогі Мінска, паведаміла прэс-служба Міністэрства аховы здароўя.
Транспартаванне пацыенткі рабілася спецаўтатранспартам у суправаджэнні рэанімацыйнай брыгады. Пацыентка шпіталізаваная ў Рэспубліканскі апёкавы цэнтр пры бальніцы, у яе дыягнаставана тэрмаінгаляцыйная траўма цяжкай ступені.
«Ёй аказваецца высокакваліфікаваная спецыялізаваная медыцынская дапамога. Праводзяцца ўсе неабходныя дыягнастычныя і лячэбныя мерапрыемствы», — адзначае Міністэрства аховы здароўя.
Астатнія 19 шпіталізаваных з-за розных траўмаў падчас пажару ў Віцебску ўжо выпісаныя і праходзяць амбулаторны этап лячэння.
13 снежня ў ГЦ «Беларусь» у Віцебску адбыўся пажар, на якім пацярпелі 20 чалавек. Заведзена крымінальная справа, а сам будынак, хутчэй за ўсё, будуць не аднаўляць, а зносіць.
«Гэтая крама — мой адзіны бізнэс». Што гавораць работнікі гандлёвага цэнтра, які на тым тыдні згарэў у Віцебску
Сярод затрыманых па справе пажару ў віцебскім гандлёвым цэнтры, верагодна, ягоны ўладальнік
ГЦ «Беларусь» у Віцебску, дзе быў моцны пажар, падумваюць знесці
Як выглядае ўнутры гандлёвы цэнтр у Віцебску пасля пажару ФОТЫ
Назва ад кінатэатра, выгляд ад аўтара віцебскай піраміды, на верхнім паверсе — дзеці. Што вядома пра гандлёвы цэнтр, які гарэў у Віцебску
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй30
Каментары