Пра смерць 78-гадовага галівудскага рэжысёра паведамілі ягоныя сваякі ў фэйсбуку.
«З глыбокім шкадаваннем мы, яго сям'я, паведамляем пра смерць чалавека і мастака Дэвіда Лінча. Цяпер у свеце, калі яго больш няма з намі, вялікая дзірка. Але, як сказаў бы ён сам: «Сачыце за пончыкам, а не за дзіркай», — напісалі сваякі Дэвіда Лінча ў фэйсбуку.
Дэвід Лінч нарадзіўся 20 студзеня 1946 года, здымаць кіно ён пачаў у 1967-м.
У 1972 годзе Дэвід Лінч прыступіў да працы над першым сваім поўнаметражным фільмам — «Чалавек-сцірка» (Eraserhead). Карціна выйшла ў 1977 годзе і адразу зрабіла Лінча культавай фігурай.
Пасля таго быў фільмы «Чалавек-слон» і «Дзюна», а серыял «Твін Пікс», які выйшаў на экраны ў 1990 годзе, нечакана ператварыўся ў культурны феномен.
За фільм «Дзікія сэрцам» рэжысёр быў уганараваны «Залатой пальмавай галінкай» Канскага кінафестывалю 1990 года. Таксама ён быў лаўрэатам «Оскара» і «Залатога льва».
У 1999 годзе Дэвід Лінч паставіў фільм «Простая гісторыя». У верасні 2006 года ў рамках Венецыянскага кінафестывалю адбылася прэм'ера фільма Лінча «Унутраная імперыя», а рэжысёру была ўручаная ўзнагарода «Залаты леў» за ўклад у развіццё сусветнага кінематографа.
У 2017 годзе Дэвід Лінч заявіў пра заканчэнне сваёй прафесійнай кар'еры, але пасля ўсё ж вырашыў застацца ў кіно.
У пачатку жніўня 2024 года Дэвід Лінч паведаміў, што хварэе на эмфізему лёгкіх праз працяглае курэнне.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары