Папа Францішак у сакавіку плануе прызначыць губернатарам Ватыкана манахіню Рафаэлу Петрыні. Пра гэта ён распавёў у эфіры італьянскага ток-шоу Che tempo che fa («Якое надвор'е»), паведамляе «Нямецкая хваля».
Такім чынам, упершыню ў гісторыі Ватыкана яго губернатарам стане жанчына.
Рафаэла Петрыні заменіць на пасадзе кіраўніка ўрада горада-дзяржавы архіепіскапа Фернанда Вергеса Альсагу, якому 1 сакавіка споўніцца 80 гадоў. З 2021 года Петрыні займае пасаду генеральнага сакратара губернатарства Ватыкана.
«Праца жанчын у курыі (галоўны адміністрацыйны орган Святога Пасаду і Ватыкана) прасоўвалася павольна, але эфектыўна. Жанчыны спраўляюцца лепш за нас», — адзначыў папа рымскі ў эфіры ток-шоу.
У пачатку студзеня папа Францішак прызначыў манахіню Сімону Брамбілу кіраўніком дэпартамента, які курыруе рэлігійныя ордэны Каталіцкай царквы. Яна стала першай жанчынай у гісторыі, якая ўзначаліла адно з ведамстваў Ватыкана.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў5
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Ці ж пра гэта марылі Андрэй, Пётра ды Павал ? Ці ж ёсьць у птушак нябёсных губернатары? а казначэі ці ёсьць у іх ?...