ЕС заявіў, што выбары ў Беларусі «не былі ні свабоднымі, ні справядлівымі»
Кіраўніца еўрапейскай дыпламатыі Кая Калас і еўрапейскі камісар у пытаннях пашырэння і палітыкі добрасуседства Марта Кос апублікавалі сумесную заяву з нагоды «выбараў» у Беларусі.
«Сённяшнія фальшывыя выбары ў Беларусі не былі ні свабоднымі, ні справядлівымі. Народ Беларусі заслугоўвае рэальнай магчымасці выбіраць, хто будзе кіраваць іх краінай», — гаворыцца ў заяве.
ЕС заклікае Лукашэнку неадкладна і без умоваў вызваліць усіх палітычных зняволеных, уключаючы супрацоўніка дэлегацыі Еўрапейскага саюза.
У заяве нагадалі, што назіральнікаў ад еўрапейскіх арганізацый запрасілі на «выбары» занадта позна, каб яны маглі там прысутнічаць.
ЕС кажа, што праз несумленныя выбары ў Беларусі і саўдзел Лукашэнкі ў вайне Расіі супраць Украіны яны не зменяць сваёй пазіцыі.
«ЕС працягне ўводзіць абмежавальныя і мэтанакіраваныя меры супраць рэжыму, а будзе фінансава падтрымліваць грамадзянскую супольнасць, беларускія дэмакратычныя сілы ў выгнанні і беларускую культуру. Як толькі Беларусь пачне пераход да дэмакратыі, ЕС гатовы падтрымаць краіну ў стабілізацыі яе эканомікі і рэфармаванні інстытутаў».
«ЕС стаіць на баку беларускага народа, і наша падтрымка ў іх імкненні да свабоднай, дэмакратычнай, суверэннай і незалежнай Беларусі, як часткі мірнай і квітнеючай Еўропы, непахісная», — сказана ў заяве.
-
«Накіраваў аўтамабіль у бок паліцыянтаў». У польскай пракуратуры пракаментавалі справу са стральбой па беларусе ў Польшчы
-
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
-
Міністр замежных спраў Украіны анансаваў візіт Ціханоўскай у Кіеў
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1818
Каментары