Грамадства33

Беларуса-эмігранта ўключылі ў экстрэмісцкае фарміраванне «Расія — гэта зло». А ён усё адно вярнуўся з Польшчы дадому

Руслану Зубкову цяпер пагражае да шасці гадоў калоніі.

Руслан Зубкоў. Фота з ягонай старонкі Укантакце

Руслану Зубкову 26 гадоў. Ён родам з горада Высокае Камянецкага раёна — самага заходняга горада Беларусі. Пасля школы адвучыўся на слесара-зваршчыка ў аграрным каледжы ў родным горадзе. Пасля пераехаў у Брэст, у 2019 нейкі час працаваў рабочым у Расіі.

Мяркуючы па сацсетках, Руслан у апошнія гады жыў і працаваў у Польшчы. Ён любіць падарожнічаць, а ў ліпені 2023 шукаў працу рознарабочым у Кракаве або ваколіцах. Апошні раз ён абнаўляў сацсеткі ў верасні 2023 года.

У снежні 2023 года Зубкова ўнеслі ў спіс удзельнікаў экстрэмісцкага фарміравання «Расія — гэта зло». Гэта невялікі тэлеграм-чат на 135 чалавек, дзе актыўныя цяпер толькі тры чалавекі.

Мяркуючы па ўсім, гэта звязана з тым, што Руслан меў дрэнна абаронены тэлеграм-акаўнт. У такім выпадку ён, на жаль, ніяк не мог абараніцца постфактум — нават калі б выдаліў тэлеграм-акаўнт.

Калі і чаму Зубкоў вярнуўся ў Беларусь — загадка. Магчыма, ён проста не ведаў пра тое, што яго ўключылі ў спіс удзельнікаў экстрэмісцкага фарміравання.

У лютым 2024 года Руслана аб'яўлялі ў вышук на тэрыторыі Беларусі і Расіі — гэта значыць, што на той момант ён яшчэ быў на свабодзе.

Калі Руслан быў затрыманы — таксама невядома. У першы раз яго судзілі ў чэрвені 2024 года за «абразу Лукашэнкі» ў Камянецкім раённым судзе. Прысуд невядомы.

Цяпер Зубкова пачынаюць судзіць зноў. Працэс пачнецца 10 лютага 2025 года ў Брэсцкім абласным судзе. Хлопца абвінавачваюць па двух артыкулах — «садзейнічанне экстрэмісцкай дзейнасці» (ч. 1 арт. 361-4 КК) і «абраза Лукашэнкі» (ч. 1 арт. 368 КК). Яму пагражае да шасці гадоў калоніі.

«Наша Нiва» — бастыён беларушчыны

ПАДТРЫМАЦЬ

Каментары3

  • Барадзед
    29.01.2025
    Настало время защищать свои аккаунты от хакеров из кгб.
  • Нік і Майк???
    29.01.2025
    Барадзед, якія хакеры?? проста ня трэба рэгаць на свой нумар тэлефону.
    І ставіць двухфактарку трэба. І не пісаць асабістыя факты пра сябе ў паблік чатах
  • Гоша
    30.01.2025
    [Рэд. выдалена]
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як6

Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як

Усе навіны →
Усе навіны

У Хабараўскім краі выпаў з дзявятага паверха чыноўнік, які крытыкаваў расійскую армію2

Былы муж Ціманоўскай расказаў, што вярнуўся ў Беларусь яшчэ да выбараў і прагаласаваў за Лукашэнку28

Зяленскі: Я не планую сустракацца ні з якімі расіянамі, акрамя Пуціна4

Вядомая махлярка з Расіі стала мадэллю на тыдні моды ў Нью-Ёрку4

На невялікай рацэ Рось у Ваўкавыскім раёне сабралася вялізная колькасць качак ВІДЭА

Што будзе з Беларуссю пасля размовы Трампа і Пуціна?31

«Прымаю да 6-7 чалавек за суткі». Як прастытуткі ездзяць да расійскіх вайскоўцаў на акупаваныя тэрыторыі15

У Брэсце ратавальнікі выцягнулі мужчыну з Мухаўца. Перад гэтым ён дзіўна сябе паводзіў1

У Малдове дапусцілі, што Расія ў выніку перамоў па Украіне выведзе войскі з Прыднястроўя3

больш чытаных навін
больш лайканых навін

Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як6

Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як

Галоўнае
Усе навіны →

Заўвага:

 

 

 

 

Закрыць Паведаміць