Зяленскі сказаў, што гатовы сесці за стол перамоваў з Пуціным, калі гэта прынясе мір
«Калі гэта адзіная канфігурацыя, пры якой мы можам прынесці мір грамадзянам Украіны і не страціць людзей, то мы дакладна пойдзем на такі варыянт сустрэчы», — сказаў прэзідэнт Украіны.
Прэзідэнт Украіны Уладзімір Зяленскі ў інтэрв'ю брытанскаму журналісту Пірсу Моргану сказаў, што гатовы сесці за стол перамоваў з расійскім лідарам Уладзімірам Пуціным, калі гэта будзе адзіным варыянтам мірнага ўрэгулявання, піша Бі-бі-сі.
Па словах украінскага прэзідэнта, яго стаўленне да Пуціна ў гэтым выпадку не мае значэння. «Я лічу яго за ворага і, шчыра кажучы, думаю, што ён таксама лічыць мяне за ворага», — дадаў Зяленскі.
У перамовах аб міры павінны таксама прымаць удзел ЗША і ЕС, сказаў прэзідэнт.
Таксама ў інтэрв'ю Пірсу Моргану прэзідэнт Украіны назваў лічбу ўкраінскіх страт на вайне: паводле яго сцвярджэння, гэта 45100 загінулых і 390 тысяч параненых, а таксама тысячы зніклых без вестак або палонных (ён сказаў, што дакладная лічба невядомая).
Ён даў ацэнку расійскіх страт: 350 тысяч загінулых, 600-700 тысяч параненых і 50—70 тысяч зніклых без вестак.
У інтэрв'ю Зяленскі таксама сказаў, што для правядзення прэзідэнцкіх выбараў трэба змяніць заканадаўства, але акрамя таго, падчас вайны «мільёны людзей» не змогуць прагаласаваць, бо знаходзяцца пад расійскай акупацыяй або за мяжой. Адмяніць жа ваеннае становішча немагчыма, пакуль вайна працягваецца, паколькі гэта прывядзе да дэмабілізацыі арміі.
«Гарачая стадыя вайны скончыцца, і тады, калі скончыцца ваеннае становішча, выбары дакладна будуць абвешчаныя», — сказаў Зяленскі.
Зяленскі: Калі не бераце нас у НАТА, то дайце ядзерную зброю
Зяленскі: Кіеў адкрыты да супрацоўніцтва па здабычы рэдказямельных металаў
Зяленскі: Украіна як ніколі блізкая да міру
Трамп прапанаваў дапамогу Украіне ў абмен на рэдказямельныя металы. Кіеў адказаў
Адміністрацыя Трампа хоча, каб ва Украіне сёлета прайшлі выбары
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары