Больш за ўсё часу Барсік праводзіць у зале, прысвечанай вясковаму побыту.
У музеі беларускага Палесся ў Пінску жыве і працуе кот Барсік, піша Tochka.by.
Барсік сам прыйшоў да музея тры гады таму і палюбіўся супрацоўнікам. У Instagram установы распавядалі, што ён з'явіўся летам і да самай восені сустракаў наведвальнікаў на ганку.
У ката была траўма вока і вушны лішай, і яго лячылі ўсім калектывам. Восенню, калі ночы сталі халаднейшыя, Барсік так нікуды і не пайшоў, і супрацоўнікі музея вырашылі прытуліць яго назаўсёды.
Ката адвялі да ветэрынара, зрабілі ўсе прышчэпкі і пакінулі жыць у езуіцкім калегіуме, у будынку якога і размешчана экспазіцыя.
«У падвале яму адвялі асобнае месца, у яго там вельмі нядрэнныя ўмовы. І ўжо сёння нават у некаторых кабінетах супрацоўнікаў, якія яго асабліва любяць, ёсць місачкі з ежай для ката», — распавяла навуковая супрацоўніца Анастасія Краўцова.
Барсік таксама гуляе па музейных залах.
Паводзіць сябе гэты хвастаты супрацоўнік вельмі годна: не перашкаджае наведвальнікам і не чапае экспанаты. А больш за ўсё ён любіць спаць побач з калыскай у зале, прысвечанай быту беларускай вёскі.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта4
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары