Нацыянальная авіякампанія «Белавія» з 28 сакавіка пачне выкананне палётаў па летнім раскладзе.
Расклад будзе дзейнічаць да 30 кастрычніка. «Яркай асаблівасцю гэтага сезону стануць новыя прапановы па напрамках і аптымальныя стыкоўкі з магчымасцю розных камбінацый палётаў пры ўдзеле нашых партнёраў — галоўных еўрапейскіх авіякампаній», — расказалі ў «Белавіі». Будуць выкарыстоўвацца як уласныя рэйсы «Белавіі», так і рэйсы партнёраў па ўсёй сетцы маршрутаў.
У новы летні сезон прапануюцца і новыя прывабныя тарыфы, у прыватнасці кошт пералёту Мінск — Сочы — Мінск, эквівалентны кошту падарожжа наземным транспартам, а тарыф па маршруце Мінск — Калінінград — Мінск складае ўсяго 70 еўра, і пры гэтым няма неабходнасці афармлення транзітнай візы. Акрамя таго, наведаць Юрмалу можна і на самалёце, даляцеўшы да Рыгі па тарыфе ад 78 еўра.
Прадаўжаючы пашыраць геаграфію палётаў, «Белавія» адкрывае новы просты рэйс Мінск — Екацярынбург. Пачынаючы з 31 мая палёты па гэтым маршруце будуць выконвацца ў панядзелкі і чацвяргі на камфартабельным
На папулярным напрамку ў Маскву будзе павялічаная частата палётаў: да пяці штодзённых рэйсаў у Шарамецеве і Дамадзедаве з 15 красавіка дадасца яшчэ адзін — у аэрапорт Унукава.
У летнія месяцы «Белавія» таксама пачне выкананне рэйсаў, якія злучаюць гарады Казахстана (Астана, Паўладар, Кастанай) з гарадамі Еўропы. «Рэйсы з Казахстана прыбываюць у Мінск раніцай, што дае магчымасць прадоўжыць палёт у еўрапейскія аэрапорты (Варшава, Гановер, Берлін, Франкфурт, Манчэстэр, Мілан, Прага, Рым)», — адзначылі ў авіякампаніі.
Павялічыцца частата палётаў у Баку, Ларнаку, Берлін, Парыж, Рым і Мілан. Традыцыйна ў летні сезон самалёты «Белавіі» будуць лётаць і ў Сочы (у панядзелкі, серады і суботы). Палёты ў Сочы будуць выконвацца на камфартабельным
Нацыянальная авіякампанія «Белавія» з’яўляецца лідэрам беларускага рынку авіяперавозак. Яе рэгулярная маршрутная сетка налічвае 32 пункты ў 20 краінах свету.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй40
Каментары