Грамадства

У Ватыкане абмеркавалі праблему Чырвонага касцёла і зняволеных святароў

Кіраўнік каталіцкага епіскапату Беларусі, Мітрапаліт Мінска-Магілёўскі Юзаф Станеўскі здзейсніў працоўную паездку ў Рым і падчас яе даў вялікае інтэрв'ю выданню Vatican News, піша Katolik.life.

Праблему Чырвонага касцёла і зняволеных святароў абмеркавалі ў Ватыкане

Юзаф Станеўскі

Арцыбіскуп Юзаф Станеўскі расказаў, што падчас размовы з Дзяржаўным сакратаром Ватыкана кардыналам П'етра Паралінам той «цікавіўся справай Чырвонага касцёла ў Мінску і персанальнымі справамі святароў».

Якіх менавіта святароў — не гаворыцца, але, відавочна, гаворка ідзе пра зняволеных ксяндза Генрыха Акалатовіча і айца Анджэя Юхневіча.

«Адчувалася, што ён ведае агульныя справы нашага Касцёла і бачыць іх праз прызму Касцёла Паўсюднага», — адзначыў беларускі іерарх, не ўдакладняючы падрабязнасцяў размовы.

Што тычыцца закрытага ўжо больш за два гады Чырвонага касцёла, то арцыбіскуп Станеўскі канстатаваў, што «будынак касцёла па дакументах з'яўляецца ўласнасцю прадпрыемства «Мінская спадчына», парафіяльная супольнасць выкарыстоўвала будынак храма і іншыя пабудовы па дамоўленасці»:

«Молімся і чакаем, калі будынак будзе перададзены каталіцкім вернікам, як і было ў задуме фундатара Чырвонага касцёла Слугі Божага Эдварда Вайніловіча».

Падчас гэтай паездкі планавалася сустрэча беларускіх біскупаў з Папам Рымскім, аднак яна не адбылася па прычыне цяжкай хваробы і шпіталізацыі Францішка.

Каментары

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю51

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю51

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць