За нападамі на мячэці ў Вялікабрытаніі можа стаяць сетка тэлеграм-каналаў, звязаная з Расіяй
Пра сувязь адпаведных рэсурсаў з Расіяй піша The Guardian са спасылкай на расследаванне арганізацыі Hope not hate, якая змагаецца з расізмам і фашызмам у Вялікабрытаніі.
Мяркуючы па ўсім, менавіта з гэтымі тэлеграм-каналамі звязаная хваля антыісламскіх графіці, якія з'явіліся на мячэцях і мусульманскіх школах на ўсходзе і поўдні Лондана ў пачатку лютага.
У каналах можна знайсці інструкцыі аб тым, як зрабіць выбухоўку ў хатніх умовах і вырабіць зброю на 3D-друкарцы. У іх абяцаюць узнагароды: 2500 фунтаў стэрлінгаў за падпал паліцэйскай машыны і 100 фунтаў стэрлінгаў — за відэазапісы з вандалізмам мячэцяў.
На аснове граматычных памылак і іншых дэталяў Hope not hate прыйшла да высновы, што за каналам стаяць людзі з Расіі.
«Па папярэдніх даных, мяркуючы па ўсім, гэта расійская аперацыя ўплыву, якая ўзнікла ў адказ на беспарадкі ў Вялікабрытаніі ў спробе аднавіць гвалт любымі даступнымі метадамі», — гаворыцца ў справаздачы.
Улетку 2024 года ў Брытаніі пачаліся антыімігранцкія пратэсты і масавыя беспарадкі. Падставай для іх стаў напад на танцавальную студыю ў Саўпорце, у выніку якога загінулі тры дзяўчынкі.
Цяпер чытаюць
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць31
Каментары