Мінскі аўтазавод і Уфімскі трамвайна-тралейбусны завод (УТЗ) зарэгістравалі сумеснае прадпрыемства. Яно зоймецца стварэннем новай вытворчасці тралейбусаў на тэрыторыі асаблівай эканамічнай зоны «Алга» недалёка ад сталіцы Башкартастана, паведамляе ТАСС.
Інвестыцыі ў гэты праект ацэньваюцца ў 1,6 мільярда расійскіх рублёў (прыкладна 18 мільёнаў даляраў). На новай пляцоўцы плануецца зборка, а таксама лакалізацыя выпуску некаторых камплектуючых.
МАЗ і УТЗ супрацоўнічаюць ужо даўно. З 2023 года на пляцоўцы Уфімскага завода па партнёрскім пагадненні выпушчана больш за 700 беларуска-расійскіх тралейбусаў. Гэта дазволіла УТЗ заняць 40% расійскага рынку новых тралейбусаў.
Па словах гендырэктара МАЗа Валерыя Іванковіча, цяпер партнёры маюць намер засяродзіцца на развіцці новай вытворчай пляцоўкі, лакалізацыі і стварэнні сэрвіснага цэнтра.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары