Лукашэнка даручыў ураду вырашыць праблему адтоку людзей з рэгіёнаў і падняць там заробкі да мінскіх
Аляксандр Лукашэнка, прымаючы 3 сакавіка кадравыя рашэнні, даручыў ураду заняцца праблемай адтоку людзей з рэгіёнаў. Для гэтага ён хоча, каб заробкі ў рэгіёнах былі амаль як у Мінску.
«Нам трэба абавязкова звярнуць увагу на адток людзей з рэгіёнаў. Ні ў якім разе нельга дапускаць гэтага адтоку. Дыферэнцыяцыя ў заработнай плаце павінна быць скарочана. Людзі павінны атрымліваць заработную плату ў рэгіёнах прыкладна такую, як у Мінску», — сказаў Лукашэнка.
Паводле Белстата, у студзені 2025 года намінальная налічаная сярэдняя зарплата ў Беларусі склала 2427,4 рубля. Самыя высокія заробкі — у Мінску: 3332 рублёў. Гэта амаль на 40% вышэй за сярэднерэспубліканскі ўзровень.
Каментары