У мінулым годзе толькі ў адным беларускім раёне асудзілі 51 чалавека за «распаўсюд экстрэмізму»
Статыстыку па Астравецкім раёне за 2024 год прывяла старшыня Астравецкага раённага суда Святлана Лабар на старонках мясцовай газеты «Астравецкая праўда».
Паводле слоў старшыні суда Астравецкага раёна, у ім у 2024 годзе па арт. 19.11 ч. 2 КаАП (распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў) да адміністрацыйнай адказнасці быў прыцягнуты 51 чалавек.
У асноўным суд даваў такім людзям штраф у памеры 20-25 базавых велічынь, часам іх арыштоўвалі на 15 сутак.
Акрамя таго, дзяржава атрымлівала з гэтага і матэрыяльную карысць, кожны раз канфіскуючы ў людзей мабільныя тэлефоны як «сродкі здзяйснення правапарушэння».
Пры гэтым, як падкрэслівае Святлана Лабар, «не мае значэння, што матэрыялы размешчаныя асобай на персанальнай старонцы да таго, як той ці іншы канал быў прызнаны экстрэмісцкім».
Каментары