Вайсковыя эксперты з Еўропы распрацавалі план па абароне неба Кіева і Заходняй Украіны, піша The Guardian. Праект пад назвай «Нябесны шчыт» (Sky Shield) прадугледжвае разгортванне еўрапейскіх вайскова-паветраных сіл у складзе 120 знішчальнікаў.
Прапанаваная еўрапейцамі зона паветранай абароны Украіны будзе дзейнічаць асобна ад НАТА. Яна ахопіць Львоў, Адэсу і тры атамныя электрастанцыі (Ровенскую, Хмяльніцкую і Паўднёва-Украінскую), але не закране лінію фронту.
Згодна з задумкай, такое рашэнне можа «аказаць большы вайсковы, палітычны і сацыяльна-эканамічны эфект, чым 10 тысяч еўрапейскіх сухапутных войскаў», і не справакуе больш маштабны канфлікт з Расіяй.
«Нябесны шчыт» можа стаць часткай «перамір'я ў небе», напярэдадні прапанаванага ўкраінскім прэзідэнтам Уладзімірам Зяленскім.
Як мяркуецца, план быў распрацаваны былымі планіроўшчыкамі Каралеўскіх ВПС Вялікабрытаніі сумесна з Узброенымі сіламі Украіны, піша The Guardian. Праект ужо падтрымалі былы галоўнакамандуючы сіламі НАТА ў Еўропе Філіп Брыдлаў, былы намеснік галоўнакамандуючага сіламі НАТА ў Еўропе Рычард Шырэф, былы прэзідэнт Польшчы Аляксандр Кваснеўскі і былы кіраўнік МЗС Літвы Габрыэлюс Ландсбергіс.
«Рэалізацыя праекта «Нябесны шчыт» стала б важным кампанентам узмацнення Еўропы, які гарантуе бяспеку Украіны эфектыўна і якасна», — заявіў Ландсбергіс.
Як адзначае The Guardian, раней кіраўнікі еўрапейскіх краін не жадалі санкцыянаваць патруляванне ўкраінскага неба падчас баявых дзеянняў.
Праект паветранай абароны Украіны набыў новы імпульс у Еўропе пасля сваркі Уладзіміра Зяленскага з прэзідэнтам ЗША Дональдам Трампам і прыпынення амерыканскай вайсковай дапамогі УСУ. Гэта прывяло да «хуткага ўсведамлення» ў Еўропе, што цяпер кантынент павінен узяць на сябе вядучую ролю ў падтрымцы Кіева і даць яму гарантыі бяспекі ў рамках патэнцыйнага мірнага пагаднення з Масквой.
Зрэшты, у заходніх палітычных колах асцерагаюцца, што «Нябесны шчыт» можа прывесці да сур'ёзнай эскалацыі баявых дзеянняў у выпадку паражэння знішчальніка краіны — члена НАТА або Расіі. Прыхільнікі праекта ў адказ на гэта сцвярджаюць, што «рызыка для пілотаў «Нябеснага шчыта» невялікая», бо з пачатку 2022 года Масква не выводзіла свае баявыя самалёты за межы наяўнай лініі фронту.
Фактычная адлегласць ад зоны дзеяння расійскай авіяцыі складзе больш за 200 км, лічаць аўтары плана. На іх думку, патруль з еўрапейскіх знішчальнікаў зможа абараніць Кіеў ад удараў ракетамі і беспілотнікамі.
«Іх знішчэнне — гэта нагрузка на наяўную супрацьпаветраную абарону Кіева, частка якой — у прыватнасці, перахопнікі Patriot — вырабляецца ў ЗША, а папаўненне запасаў падпадае пад забарону Белага дома», — падкрэслівае The Guardian.
Дональд Туск заявіў пра неабходнасць узмацнення вайсковага кантынгенту на мяжы з Беларуссю і Расіяй
Залужны: ЗША руйнуюць сусветны парадак, а Расія прыйдзе па Еўропу
ЗША адключылі Украіне цэлепаказальнікі для HIMARS
«Туман вайны стане для УСУ значна больш густым». Да чаго можа прывесці адмова ЗША перадаваць свае разведданыя Украіне
«Паваротны момант гісторыі»: лідары краін Еўропы сабраліся на саміт па бяспецы і Украіне
Макрон: Будучыню Еўропы не будуць вызначаць ні ў Вашынгтоне, ні ў Маскве
Цяпер чытаюць
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары