Мінск дасягнуў мяжы вольных пляцовак для новай забудовы. Згодна з генеральным планам, да 2030 года ў горадзе запланавана будаўніцтва 600 тысяч квадратных метраў жылля штогод — гэта менш, чым у папярэднія гады. Цяпер асноўную ўвагу надаюць рэканструкцыі ўжо наяўных тэрыторый, уключаючы знос састарэлага жылля і састарэлых будынкаў, паведамляе БелТА са спасылкай на часопіс «Экономика Беларуси».
Старшыня камітэта будаўніцтва і інвестыцый Мінгарвыканкама Ірына Гонтарава адзначыла, што камунальныя прадпрыемствы будуюць кватэры ў асноўным для тых, хто мае патрэбу ў паляпшэнні жыллёвых умоў. Толькі за рэдкім выключэннем адзін ці два дамы прапануюць на камерцыйнай аснове, звычайна гэта маналітна-каркасныя пабудовы з паркінгамі.
У гэтым годзе Мінск перавыканаў план на 11 тысяч квадратных метраў, але цяпер неабходна ствараць спецыяльныя фонды для перасялення жыхароў дамоў, якія зносяцца. Зараз будуюцца тры дамы ў мікрараёне Лошыца і адзін на вуліцы Розы Люксембург.
Перспектыўныя раёны рэканструкцыі прыватнага сектара ў сталіцы — праспект Дзяржынскага, вуліцы Арлоўская, Маякоўскага і Лошыца.
Камерцыйным кампаніям з аўкцыёну пляцоўкі пад забудову больш не прадаюцца. Яны завяршаюць праекты, пачатыя 5-10 гадоў таму.
Цяпер рэалізуюцца два буйныя інвестпраекты: жылы комплекс «Мінск-Свет» і праект «Паўночны бераг». У першым будаўніцтва кватэр практычна завершана, і ў пачатку наступнага года там застанецца шматфункцыянальная і адміністрацыйная забудова, офісныя цэнтры. Другі толькі пачаты: да 2040 года там абяцаюць пабудаваць 5 мільёнаў квадратных метраў.
У Смалявічах працягваецца будаўніцтва шматпавярховых дамоў у асноўным для шматдзетных сем'яў. У перспектыве таксама Рудзенск.
Аднак, як падкрэсліла Ірына Гонтарава, тэмпы забудовы абмежаваныя магчымасцямі асноўнага домабудаўнічага камбіната ААТ «МАПІД».
Каля новай станцыі метро хочуць знесці прыватны сектар і двухпавярхоўкі. Мінчан клічуць на абмеркаванне
Рэнавацыя пагражае гістарычным помнікам. «Мэтазгоднасць іх капрамонту адсутнічае»
Зацвердзілі Канцэпцыю жыллёвай палітыкі да 2030 года
Новы ўказ аб арэндным жыллі: хто зможа вырашыць кватэрнае пытанне
Памяняліся правілы атрымання дзяржпадтрымкі на будаўніцтва і куплю жылля
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім4
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары