У Польшчы затрымалі беларуса з пісталетам — ён сказаў, што едзе ваяваць у Беларусь
Супрацоўнікі чыгуначнай аховы затрымалі ў цягніку ў Шчэціне 49-гадовага беларуса з пісталетам, паведаміла прэс-служба служба аховы чыгунак Польшчы. На публікацыю звярнула ўвагу выданне Most.
Інцыдэнт адбыўся ў нядзелю, 27 красавіка, у цягніку, які рухаўся з Камень-Паморскага ў Шчэцін.
Адзін з пасажыраў паводзіў сябе неспакойна, да таго ж у яго заўважылі зброю. Начальнік цягніка паведаміў аб гэтым у Службу аховы чыгункі, і на станцыі ў Шчэціне супрацоўнікі ведамства сустрэлі мужчыну. Ён аказаўся 49-гадовым грамадзянінам Беларусі.
Мужчына паводзіў сябе агрэсіўна і заявіў, што едзе ваяваць у Беларусь.
Як высветлілася пазней, у мужчыны быў не баявы пісталет, а траўматычная зброя — мадэль BYRNA SD. Такі пісталет страляе гумовымі і перачнымі шарыкамі, але выглядае як сапраўдны.
Беларуса даставілі ў аддзяленне паліцыі.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
[Зрэдагавана]