У маршрутцы з Мінска на Заслаўе хацелі адмяніць сем прыпынкаў, але людзі іх адстаялі
Нядаўна стала вядома, што прыгарадную маршрутку №1499ТК «Мінск — Заслаўе» з прыгарадных перавялі ў разрад гарадскіх. Пры гэтым установа «Сталічны транспарт і сувязь» аб'явіла пра намер адмяніць у ёй сем прыпынкаў. Аднак паток негатыўных рэакцый прымусіў транспартнікаў ад гэтых планаў адмовіцца, піша Blizko.by.
Адмяніць збіраліся прыпынкі «Станцыя Ждановічы», «Цэнтр рэабілітацыі», «Станцыя Мінскае мора», «Ратамка», «Крыжоўка», «Юны Камунар», «Зялёнае» — гэта значыць, прамежкавыя прыпынкі паміж МКАД і Заслаўем.
Людзі, аднак, пачалі скардзіцца ў каментарах на сайце перавозчыка:
«Як вы прапануеце цяпер ездзіць раніцай на працу людзям, а дзецям у школу? Элементарна паехаць у Мінск, з'ездзіць у бліжэйшую аптэку, якая знаходзіцца на станцыі Ждановічы, у выпадку, калі наша ў ЖК «Пірс» не працуе? А ўвечары як быць?! Ісці ўздоўж дарогі, дзе няма абочыны і тратуара, а ў цёмны час сутак яна не асветленая ліхтарамі, калі ісці з электрычкі. […] Або па лесе хвілін з 20 цемрай, там не толькі дзецям будзе страшна ісці, але і даросламу чалавеку ўвечары з электрычкі».
«Больш ніводнае маршрутнае таксі там не спыняецца. З гэтага вынікае пытанне, як дабірацца людзям на працу? Развоз і давоз на маёй працы не ажыццяўляецца. На таксі ездзіць прапануеце?», — пісалі абураныя жыхары.
У выніку да заўваг прыслухаліся. Транспартнікі змянілі тэкст навіны, пазначыўшы:
«Колькасць выкананых рэйсаў, а таксама колькасць прыпыначных пунктаў на маршруце захоўваецца».
Маршрутчык гадамі падманваў даверлівых жанчын і выцягнуў з іх амаль 70 тысяч рублёў
«Выйшлі з метро і выстраілася чарга». У «Мінаблпасажыртрансе» пракаментавалі сітуацыю з чэргамі на маршруткі
Як выглядаюць чэргі на маршруткі з Мінска ў Барысаў і Жодзіна ВІДЭА
У маршрутках восенню пачнуць абавязкова прымаць аплату карткамі
У Бабруйску другі раз за тыдзень змяняецца цана праезду ў маршрутках. Але гэтым разам таннее
Каментары