ТАА «Ідэя дома», якое развівала сетку рэгіянальных складоў-крам «Будні», банкрутуе. Інфармацыя пра гэта ёсць у Адзіным дзяржаўным рэестры звестак аб банкруцтве, паведамляе Office Life.
Конкурсная вытворчасць была пачата з 10 верасня. Патрабаванні крэдытораў прымаюць да 21 лістапада.
Дарэчы, кампанія знаходзілася ў стадыі ліквідацыі са снежня 2025 года.
Як вынікае з дакументаў, яе крэдыторская запазычанасць перавышае 756 тыс. рублёў, а запазычанасць па падатках, зборах і іншых абавязковых плацяжах — 253 тыс. Пры гэтым актывы кампаніі ацэньваюцца ў 683 539,69 рубля, але з іх больш за 235 тыс. — «дэбіторская запазычанасць».
«Ідэя дома» спецыялізавалася на ўцяпляльніках, дахавых і фасадных матэрыялах. Склады-крамы брэнда працавалі ў Віцебску, Мазыры, Полацку, Оршы, Светлагорску, Лідзе, Хацежыне і Бараўлянах.
Акрамя таго, у кампаніі быў аддзел аптовых продажаў у Мінску і інтэрнэт-крама будаўнічых матэрыялаў. Сацыяльныя сеткі брэнда не абнаўляюцца больш за год.
Увесну і ўлетку будаўнічыя матэрыялы на дзясяткі тысяч рублёў, а таксама маёмасць кампаніі тройчы выстаўлялі на аўкцыён, але пераможца таргоў вызначаны не быў.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос4
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары