Здарэнне было сёння задоўга да світання, а 4:30.
Супрацоўнікі ДАІ падалі кіроўцу ВАЗа сігнал аб спыненні, але той праігнараваў яго і працягнуў рух. Пачаўся пераслед, паведамляе прэс-служба МУС.
На неаднаразовыя патрабаванні міліцыянераў парушальнік не рэагаваў і спрабаваў з'ехаць. У выніку была выкарыстана табельная зброя.
За рулём апынуўся 32‑гадовы неаднаразова судзімы жыхар Барысаўскага раёна. Яго фізічны стан выклікаў падазрэнні ў інспектараў. Ад праходжання медыцынскага агляду ён адмовіўся. Раней яго пазбавілі «правоў» за кіраванне аўтамабілем у нецвярозым стане. У аўтамабілі таксама знаходзіўся яго 34‑гадовы брат у стане алкагольнага ап’янення.
Кіроўцу пазбавяць правоў на пяць гадоў, а таксама ён будзе аштрафаваны на 200 базавых велічынь (9 тысяч рублёў). За непадпарадкаванне супрацоўнікам міліцыі абодва мужчыны змешчаныя ў ІЧУ, а аўтамабіль — на ахоўную стаянку.
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары