Грамадства55

«Адпусціце, калі ласка, сына!» Амерыканца з амнезіяй, які нелегальна прыехаў у Беларусь, не аддаюць маці

Беларускія ўлады не адпускаюць грамадзяніна ЗША і Чэхіі Антона Роса, які ў сакавіку 2025 года нелегальна прыехаў у Беларусь з Літвы ў грузавым чыгуначным вагоне. Імаверна, на яго завялі крымінальную справу. Пра гэта рэдакцыі Reform.news паведаміла маці маладога чалавека. Раней дзяржаўныя СМІ паведамлялі, што пасля адміністратыўнага пакарання Рос будзе дэпартаваны ў Літву. Хлопец пакутуе на страту памяці. 

Антона Роса затрымалі 31 сакавіка 2025 года пры праверцы грузавога саставу, які прыбыў з Літвы. Хлопца абвінавацілі ў незаконным перасячэнні мяжы і прызначылі адміністрацыйнае пакаранне ў выглядзе штрафу.

Маці Антона Ларыса Рос паведаміла рэдакцыі Reform.news, што аплаціла штраф і выдаткі на ўтрыманне сына ў беларускай установе, аднак дэпартацыя так і не адбылася.

Па словах жанчыны, 2 красавіка яна спрабавала патрапіць у Беларусь з боку Літвы, каб забраць сына, але памежнікі яе не прапусцілі.

«Я ехала туды 2 красавіка, але мяне вярнулі беларусы на мяжы», — расказала яна выданню.

14 красавіка да затрыманага замежніка не змог патрапіць наняты адвакат. У той жа дзень жанчыне стала вядома, што Антона «перавялі ў цэнтральны апарат Следчага камітэта Беларусі».

«Вось абяцалі дэпартаваць хлопца, і СМІ раструбілі. Я чакала-чакала, і мне сказалі, што перавялі сына ў цэнтральны апарат Следчага камітэта Рэспублікі Беларусь. Гэта значыць захацелі крымінальную [справу] зварганіць, хворага чалавека не адпусціць, а дамучыць, зламаць. За што? Што хацеў у Беларусь. Хаця і нелегальна. Палюбіў, хацеў даехаць і пажыць, сказаў жа ў камеру, як палюбіў краіну… І што далей? Хлопец хворы, ёсць страта памяці, дэзарыентацыя. Нашто ім ён? Я хацела забраць кнігі, працягнуць абследаванні і лячэнне», — у роспачы распавяла маці хлопца.

Жанчына падкрэслівае, што Рос пакутуе стратай памяці і мае патрэбу ў лячэнні.

«За што? Было адміністрацыйнае пакаранне і рашэнне аб дэпартацыі, штраф я заплаціла. Чаму не дэпартавалі, каб я магла лячыць сына ў Празе, дзе ён жыве па медыцынскай страхоўцы?

Яна звярнулася з просьбай да беларускіх уладаў:

«Адпусціце, калі ласка, сына! Дома яму будзе лепей! Бо ўжо пакаралі адміністрацыйна, што, яшчэ і крымінальна за адно і тое ж дзеянне?» — сказала яна. 

Каментары5

  • ...
    27.04.2025
    Подонки.
  • :-[
    27.04.2025
    Пасля асуджэння Дзмітрыя Гопты няма пытанняў. Вырадкам пляваць, каго трымаць у закладніках, а пашпарт ЗША для іх як дадатковы бонус у гандлі.
  • Biedny chłopiec
    27.04.2025
    Čarhovy zakładnik dla abmienu na aryštavanych FSBšnikaŭ-KDBšnikaŭ, handlaroŭ narkotykami i zbrojaju, zabojcaŭ, terarystaŭ dy inšych siabroŭ i słužak Putlera.

Цяпер чытаюць

Стралок з Кракава, які забіў дзевяць чалавек, памёр у бальніцы4

Стралок з Кракава, які забіў дзевяць чалавек, памёр у бальніцы

Усе навіны →
Усе навіны

Газ у Еўропе падаражэў утрая. Высокія рахункі могуць застацца яшчэ на некалькі гадоў5

«Такія жыццярадасныя людзі. Не тое што ён». Суседзі расказалі пра сям’ю нападніка з Кракава13

У Смаргоні з «Нулявога кіламетра» прыбіраюць Вільню, Варшаву і сцягі суседзяў10

У Кітаі гэтую працэдуру зрабілі тысячам людзей з Альцгеймерам, але эксперты спрачаюцца, ці будзе сэнс1

Больш не трэба выводзіць татуіроўкі? Іх навучыліся рабіць нябачнымі1

У доме кракаўскага стралка знайшлі тры целы. Падобна, што гэта ягоныя блізкія сваякі10

Марскую чарапаху лячылі 22 гады, а цяпер нарэшце выпусцілі ў акіян

Ці шкодзяць цесныя трусы? Найбуйнейшае даследаванне20

У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?

больш чытаных навін
больш лайканых навін

Стралок з Кракава, які забіў дзевяць чалавек, памёр у бальніцы4

Стралок з Кракава, які забіў дзевяць чалавек, памёр у бальніцы

Галоўнае
Усе навіны →

Заўвага:

 

 

 

 

Закрыць Паведаміць