Міністр Трампа згодзен, што Пуцін — ваенны злачынца, але размовы з ім патрэбныя
«Я лічу, што пасля Другой сусветнай вайны былі неабходныя перамовы з Японіяй», — лічыць Скот Бесэнт.
Міністр фінансаў ЗША Скот Бесэнт пагадзіўся, калі 7 мая яго спыталі, ці лічыць ён лідара Расіі Уладзіміра Пуціна ваенным злачынцам. Пра гэта паведамляе Kyiv Independent.
На пытанне кангрэсмена-дэмакрата Хуана Варгаса «Ці лічыце вы Уладзіміра Пуціна ваенным злачынцам?», Бесэнт адказаў: «Так».
Гэтыя каментары прагучалі падчас выступлення Бесэнта ў Кангрэсе ЗША і штогадовай дачы паказанняў перад Камітэтам па фінансавых паслугах Палаты прадстаўнікоў ЗША.
На пытанне Варгаса: «Вы б вялі перамовы з ваенным злачынцам?», Бесэнт адказаў: «Я лічу, што гэта сутнасць дыпламатыі — трэба весці перамовы з абодвума бакамі».
«Я лічу, што пасля Другой сусветнай вайны былі неабходныя перамовы з Японіяй», — дадаў Бесэнт.
Бесэнт раней крытычна выказваўся адносна ўкраінскага кіраўніцтва, у прыватнасці прэзідэнта Уладзіміра Зяленскага. 1 мая Бесэнт прапанаваў перазапусціць адносіны паміж Украінай і ЗША пасля падпісання 30 красавіка двухбаковага пагаднення пра мінералы.
Цяпер чытаюць
Расіянін месяц лётаў па Беларусі на машыне так, што атрымаў больш за 20 штрафаў на круглую суму4
Расіянін месяц лётаў па Беларусі на машыне так, што атрымаў больш за 20 штрафаў на круглую суму
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы6565
Каментары
________
Але амэрыканцы чамусьці пастанавілі не ваяваць некалькі гадоў, а скінуць бомбы на два гарады і змусіць Японію да капітуляцыі. Амэрыканцы плянуюць зрабіць тоесама з Расеяю?