У пятым матчы серыі другога раўнду Кубка Стэнлі «Вашынгтон Кэпіталз» дома саступіў «Караліне Харыкейнз» — 1:3 і завяршыў выступленне ў плэй-оф НХЛ, прайграўшы «ўраганам» у серыі з лікам 1-4.
У складзе «сталічных» 24-гадовы беларускі форвард Аляксей Протас гуляў на левым флангу ў другім звяне. Яго партнёрамі сталі П'ер-Люк Дзюбуа і Том Уілсан.
У выніку Протас правёў на лёдзе 20 хвілін 36 секунд, нанёс 2 кідкі (1 з іх міма), заблакаваў 1 кідок суперніка, здзейсніў 1 сілавы прыём, дапусціў 1 страту, зрабіў 1 перахоп і зарабіў каэфіцыент карыснасці «-2».
У плэй-оф на рахунку Аляксея 6 гульняў, 2 (1+1) балы, пры паказчыку карыснасці «-2».
«Караліна» ў паўфінале Кубка Стэнлі сустрэнецца або з «Таронта», або з «Фларыдай».
Больш беларусаў у Кубку Стэнлі ў гэтым сезоне не засталося.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую16
Каментары