Палітзняволенага асудзілі паводле арт. 411 КК (злоснае непадпарадкаванне адміністрацыі калоніі). Яму прызначылі яшчэ паўгода пазбаўлення волі ў дадатак да шасці гадоў калоніі.
Пра гэта паведаміў падчас IV Канферэнцыі беларусаў і беларусак свету стрыечны брат палітвязня — палітык Павел Латушка, піша «Вясна».
Раней Анатолю ўжо ўзмацнялі пакаранне: год таму яго перавялі на турэмны рэжым у Гродна. Верагодна, там супраць яго і завялі новую крымінальную справу.
Анатоль — стрыечны брат палітыка Паўла Латушкі. У судзе Цэнтральнага раёна Мінска 20 верасня 2022 года Анатолю прызначылі шэсць гадоў калоніі, Алене Маліноўскай — чатыры гады калоніі, Ліліі Ананян — пяць гадоў «хатняй хіміі». Латушку яшчэ аштрафавалі на 300 базавых велічыняў і пастанавілі кампенсаваць шкоду пацярпелым.
Фігурантаў справы затрымалі 31 студзеня 2022 года за маляванне па трафарэце на паштовых скрынях у пад'ездах герба «Пагоня» і змясцілі пад варту. Вядома, што пасля затрымання Анатоля моцна збівалі. Падчас суда, які праходзіў у адкрытым рэжыме, былі агучаныя падрабязнасці прымянення фізічнай сілы да яго ў Цэнтральным РУУСа Мінска.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары
Яго і чальцоў яго каманды патрэбна бараніць.
Яму паступаюць пагрозы, нават ахову яму далі палякі, ціснуць праз сваякоў, ціснуць праз патрабаванні ўзяць адказнасць за тое, што спецслужбы атакавалі Мельнікаву.
(Пры чым дзіўна, што патрабуюць тыя, хто здавалася б прыналежыць да дэмруху, а прапагандоны ж увогуле маўчаць пра быццам бы іх аперацыю, якую яны ладзілі больш за год)
І з большага, найбольш балючыя для лукашыстаў дзеянні ідуць ад каманды Латушкі - гэта і доказы для ордэру МКС, гэта і праўка аб распаўсюджванні дзеяння Спецтрыбуналу на луку і падзельнікаў.
Гэта і санкцыі. І актыўнае прасоўванне не вызнання лукі на міжнародным узроўні.
Беражыце ПалПалыча.
Яго сваяку моцы і здароўя