Беларус Васіль Мікалаеў, які жыве ў Варшаве, вырашыў пешшу дайсці да Чарнагорыі, дзе ў рамках Лігі канферэнцый 10 ліпеня адбудзецца матч брэсцкага «Дынама». Супернікам беларускай каманды стане мясцовы клуб «Суцьеска» з горада Нікшыч, піша Most.
Да месца матчу Васілю трэба будзе пераадолець каля 1600 кіламетраў. Стартаваў ён 19 чэрвеня і плануе праходзіць па 50 кіламетраў за суткі.
Частка маршруту будзе з перапынкамі — да 2 ліпеня ён хоча дайсці да Будапешта (500 кіламетраў), адтуль злётаць у Варшаву на медыцынскую працэдуру, а затым вярнуцца і працягнуць шлях праз Заграб да фінальнага пункта — Нікшыча. Апошні ўчастак ад харвацкай сталіцы да Чарнагорыі Васіль плануе праехаць на аўтобусе.
«Хачу прайсці прыкладна паўдарогі. Калі ёсць мэта, я не бачу перашкод. Сіла мая ў тым, што я магу хадзіць», — кажа ён.
Васіль вядомы сярод фанатаў як Вася Пешаход. Да 2020 года ён здзейсніў пяць «залатых сезонаў» — пабываў на ўсіх матчах сваёй каманды, уключаючы выязныя. Прычым без аўтастопу і грошай: ён дабіраўся пешшу, начуючы ў лесе.
Гэта не першая ягоная футбольная пешая Адысея. У 2014 годзе мужчына прайшоў амаль 500 кіламетраў ад Брэста да Наваполацка.
Футбол, па яго словах, выратаваў яго ад турмы, а дарога — ад смерці. У Васіля дыягнаставаная апластычная анемія — цяжкае захворванне крывятворнай сістэмы. З 2021 года ён жыве ў Варшаве, куды быў вымушаны з'ехаць праз палітычную сітуацыю ў Беларусі.
Падчас гэтага паходу Васіль таксама збірае сродкі ў падтрымку УСУ. Ён вядзе стрым на Twitch, дзе дзеліцца ўражаннямі.
Лукашысты спрабуюць дабіцца выдачы ім беларусаў праз Інтэрпал, пазначаючы непалітычныя артыкулы
Дактары расказалі, адкуль беларусы прывозяць на радзіму небяспечныя інфекцыі
«Страцілі ўсё, акрамя жыцця». 85 гадоў таму ўнука прэзідэнта Гродна вывезлі з горада ў чамадане — зараз ён па крупінках узнаўляе гісторыю сям'і
Беларусаў папярэдзілі пра візавую пастку пры наведванні Сербіі і Чарнагорыі
Беларусаў з жэнеўскімі пашпартамі не пусцілі ў Варшаве на самалёт у Малдову
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары