П'яны кіроўца-беларус у Польшчы збіў дзвюх жанчын і ўцёк з месца здарэння
У Польшчы здарылася трагічнае ДТЗ з удзелам 31-гадовага грамадзяніна Беларусі, паведамляе Most.
У нядзелю, 29 чэрвеня, каля вёскі Ярнатаў у Любушскім ваяводстве грамадзянін Беларусі, кіруючы аўтамабілем Mazda у нецвярозым стане, не справіўся з кіраваннем, з’ехаў з дарогі, знёс дарожны знак і збіў дзвюх жанчын — 59-гадовую маці і 24-гадовую дачку, што стаялі побач са сваім домам.
Старэйшая жанчына загінула на месцы, а малодшую ў цяжкім стане даставілі ў бальніцу верталётам. Паводле медыкаў, аўтамабіль нават працягнуў дзяўчыну некаторы час пасля наезду.
Пацярпелая жанчына цяпер знаходзіцца ў артапедычным аддзяленні бальніцы ў Гожаве. У яе пераломы і раны, але стан ацэньваецца як стабільны. Сям’і аказваюць псіхалагічную падтрымку.
Беларус уцёк з месца аварыі. Высачыць яго дапамаглі сведкі: муж і жонка, якія ехалі той жа дарогай і заўважылі аўто з пашкоджаным шклом. Яны паведамілі пра гэта ў паліцыю і перадавалі даныя пра яго месцазнаходжанне.
Менш чым праз 20 хвілін пасля здарэння паліцыя затрымала кіроўцу. Ён спрабаваў уцячы пехатой, але яго затрымалі. Як высветлілася, у крыві мужчыны было амаль 1,5 праміле алкаголю, з-за моцнага ап’янення ён не мог адказваць на пытанні. Папярэднія следчыя дзеянні адклалі да таго часу, пакуль ён працверазее.
У польскі суд накіравалі справу беларуса, абвінавачанага ў ДТЗ з шасцю пацярпелымі
«Выкінула праз бакавое шкло, апрытомнела на зямлі». У беларускі расколіна ў пазванку пасля аварыі аўтобуса ў Польшчы
Польскі суд змягчыў прысуд таксісту-беларусу, які на пераходзе пад кайфам насмерць збіў веласіпедыстку. Вось чаму
Каментары
Этому народу нужен только кнут.
Вы приехали, вас приняли, вы наоборот должны быть тише воды ниже травы.