Лідар літоўскіх кансерватараў прапануе абавязаць замежнікаў вучыць літоўскую для падаўжэння ДНЖ
Лідар кансерватараў, экс-міністр абароны Лаўрынас Кашчунас заявіў, што ў канцы ліпеня ўнясе прапанову, якая абавязвае замежнікаў вывучыць дзяржаўную мову, калі яны жадаюць падоўжыць свой часовы дазвол на жыхарства ў Літве, піша Delfi.lt.
«Для падаўжэння часовага дазволу на жыхарства ў Літве на дадзены момант не патрабуецца веданне дзяржаўнай мовы на пэўным узроўні. Я прапаную ўвесці гэтае патрабаванне, каб веданне дзяржаўнай мовы стала абавязковым, каб людзі, якія знаходзяцца тут, у прынцыпе пачалі вывучаць дзяржаўную мову і паважалі нашу дзяржаву», — заявіў Л. Кашчунас у пятніцу ў эфіры Žinių radijas.
У мінулым годзе кансерватары прынялі закон, згодна з якім з 1 студзеня 2026 года ўсе дзяржаўныя паслугі будуць аказвацца на дзяржаўнай мове. Аднак цяпер Міністэрства адукацыі, навукі і спорту прапануе перанесці гэты тэрмін.
Л. Кашчунас называе гэта непрымальным і запэўнівае, што ўзначаленая ім палітычная сіла будзе супрацьстаяць падобнай спробе.
«Гэта непрымальна, і мы адназначна будзем супраць лібералізацыі правілаў», — падкрэсліў кансерватар.
У апошні час ўзніклі дыскусіі наконт выкарыстання рускай мовы ў Вільні. Падставай для іх стаў пост у Facebook журналіста Эдмундаса Якілайціса, які заявіў, што маштаб выкарыстання рускай мовы ў сталіцы Літвы непрымальны.
У сакавіку Дзяржаўная інспекцыя па мове паведаміла, што з пачатку наступнага года ўсе замежнікі, якія атрымалі часовую абарону і займаюцца непасрэдным продажам тавараў і аказаннем паслуг, будуць абавязаныя валодаць дзяржаўнай мовай.
Аднак пытанне пра адмену гэтага патрабавання ўрадам неаднаразова адкладалася — Міністэрства адукацыі, навукі і спорту прапануе на год адкласці тэрмін, да якога замежнікі, якія жадаюць уладкавацца на працу і маюць часовую абарону, павінны вывучыць дзяржаўную мову і падаць пацвярджаючыя гэта дакументы.
Згодна з парадкам, такое абавязацельства не прымянялася цягам трох гадоў — рашэннем урада гэты тэрмін будзе падоўжаны да чатырох гадоў.
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў1
Каментары
Тады не было б праблем з запаўненнем прасторы Літвы мовай расейскіх акупантаў - расейскай мовай.
Гучала б дзяржаўная мова - літоўская, і гістарычная мова ВКЛ - мова Статута ВКЛ.
А расейскай акупацыйнай мовы не гучала б.