Урад Беларусі зацвердзіў міжурадавае пагадненне з Кыргызстанам аб узаемным прызнанні і абмене нацыянальных пасведчанняў на кіраванне аўто. Адпаведную пастанову падпісаў прэм’ер-міністр Беларусі Аляксандр Турчын.
Гэта пагадненне Беларусь і Кыргызстан падпісалі 5 чэрвеня 2026 года ў Бішкеку падчас афіцыйнага візіту Аляксандра Турчына ў Кыргызстан.
Згодна з дакументам, бакі ўзаемна прызнаюць пасведчанні кіроўцаў, выдадзеныя адпаведнымі органамі дзвюх краін.
Таксама грамадзяне Беларусі і Кыргызстана атрымаюць магчымасць абменьваць нацыянальныя пасведчанні кіроўцаў на мясцовыя без здачы тэарэтычнага і практычнага экзаменаў. Аднак скарыстацца з гэтай магчымасці можна будзе пасля атрымання дазволу на пастаяннае пражыванне.
Паводле прэс-службы беларускага ўрада, пытанне аб узаемным прызнанні пасведчанняў кіроўцаў дзвюх краін прапрацоўвалася некалькі гадоў.
Раней Венская канвенцыя аб дарожным руху дазваляла выкарыстоўваць нацыянальныя правы на тэрыторыі Беларусі і Кыргызстана. Аднак пры абмене правоў на мясцовыя ў аўтамабілістаў часам узнікалі праблемы, у тым ліку неабходнасць паўторна здаваць экзамены.
Новае пагадненне павінна спрасціць працэдуру абмену пасведчанняў кіроўцаў і ліквідаваць звязаныя з гэтым адміністрацыйныя перашкоды. Гэта асабліва актуальна для грамадзян, якія пераязджаюць у іншую краіну на працяглы тэрмін або плануюць працаваць кіроўцамі.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары