У Віцебску праз 25 гадоў раскрылі забойства валютчыка і яго жонкі
У Віцебску раскрыта рэзананснае злачынства 1999 года: двое маладых мужчын забілі 37-гадовага валютчыка і яго жонку. Злачынцы вынеслі золата, валюту. Праз 25 гадоў следства ўстанавіла забойцаў.
Паводле звестак следства, днём 13 снежня 1999 года двое маладых людзей, 19 і 21 года, у стане алкагольнага ап’янення, прыйшлі дадому да 37-гадовага знаёмага. Пад выглядам абмену валюты мужчыны патрапілі ў кватэру. Там нанеслі мужчыне ўдар нажом і пачалі патрабаваць грошы.
Жыхар Віцебска адмовіўся аддаваць назапашанае, стаў крычаць і ўцякаць. Тады раз’юшаныя госці на вачах у жонкі пачалі збіваць ахвяру, наносячы шматлікія нажавыя раненні.
Калі гаспадар кватэры перастаў падаваць прыкметы жыцця, таварышы пераключыліся на яго жонку.
Напалоханая жанчына прасіла не забіваць яе, перадала нападнікам частку грошай, аднак тыя зарэзалі і яе.
Здабычай забойцаў сталі залатыя ювелірныя вырабы, знятыя з цела забітай жанчыны, грашовыя сродкі ў розных валютах на агульную суму больш за 1,2 мільярда недэнамінаваных рублёў, гаманец і бляшанка распушчальнай кавы.
Грошы пайшлі на набыццё музычнага цэнтра і двух аўтамабіляў — «Масквіч» і BMW (падчас сумеснай паездкі на іншамарцы яны трапілі ў ДТЗ — пашкоджаны аўтамабіль давялося прадаць па частках).
Целы забітых неўзабаве знайшлі мясцовыя жыхары, што прыйшлі абмяняць валюту.
Судова-медыцынскія экспертызы паказалі, што смерць мужчыны наступіла ў выніку 27 нажавых раненняў, жанчына памерла ад 110 нажавых раненняў.
У 2024 годзе следчыя з міліцыяй змаглі ўстанавіць падазраваных. Мужчыны прызналіся.
Па выніках расследавання 45 і 47-гадовым жыхарам Віцебска прад’яўлены абвінавачванні за рабаванне, здзейсненае па папярэдняй змове групай асоб, і за забойства дзвюх асоб з асаблівай жорсткасцю.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары
Не вижу смысла ментам ворошить 20 летние висяки просто так. Те кто тогда работал уже на пенсии . А за старые висяки теперешних ментов не наказывают .Скорее всего убийцы проболтались по пьянке.
Следы крови/кожи/волос преступника, обнаруженные на месте преступления - ложатся в основу обвинения, а признание - это дополнительный плюс.