У Лёзненскім раёне сям'я дзесяць гадоў аднаўляла хату, а пасля ўвадначас яе страціла
Жыхары Лёзненскага раёна Марыя і Уладзімір (імёны змененыя) і ўявіць не маглі, што іх шматгадовая праца над аднаўленнем закінутай хаты скончыцца тым, што жыллё без усялякай кампенсацыі падораць іншым людзям, паведамляе Дзяржкамітэт судовых экспертыз.
Хата знаходзілася ў долевай уласнасці трох сваякоў і была ў стане, непрыдатным для жыцця. Але Марыі і Уладзіміру надта патрэбна было жыллё, таму з дазволу ўласнікаў яны там усё ж пасяліліся і пачалі рамонт, спадзеючыся з часам атрымаць права хаця б на частку ўласнасці.
За дзесяць гадоў яны аднавілі дах, падлогу, паставілі пластыкавыя вокны, паклеілі шпалеры, пафарбавалі падлогі і печку. Акрамя таго, цалкам аднавілі лазню.
Але калі праца была завершаная, сваякі проста падарылі хату іншым людзям і нават не прапанавалі кампенсацыі за рамонт. Больш таго, калі Марыя падала ў суд, каб спагнаць грошы за зробленае, ёй адказалі, што рамонт нібыта зроблены з парушэннямі, таму ўсё трэба рабіць нанова.
Кропку ў гэтай спрэчцы паставіла будоўніча-тэхнічная экспертыза, якую па даручэнні суда правялі спецыялісты Дзяржаўнага камітэта судовых экспертыз па Віцебскай вобласці. Эксперт ацаніў работы нават вышэй, чым заявіла сама пазоўніца, і пацвердзіў іх якасць.
На падставе гэтых высноў суд прыняў рашэнне: новыя ўладальнікі павінны кампенсаваць Марыі і Уладзіміру кошт рамонту.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары