Фон дэр Ляен выступіла з экстраннай заявай з нагоды расійскай атакі на Кіеў: рыхтуюцца новыя санкцыі
Еўрапейскі Саюз найбліжэйшым часам зацвердзіць новы, 19-ы пакет санкцый супраць Расіі, а таксама абмяркуе, як можна найлепшым чынам выкарыстаць расійскія замарожаныя актывы для вайсковай падтрымкі Украіны і яе аднаўлення. Пра гэта паведаміла старшыня Еўракамісіі Урсула фон дэр Ляен у экстраннай заяве 28 жніўня ў Брусэлі, прысвечанай начной атацы Расіі на Кіеў, перадае «Еўрапейская праўда».
Фон дэр Ляен выступіла з экстраннай заявай пасля крывавага начнога паветранага нападу расіян на Кіеў.
«Я абураная атакай на Кіеў, якая таксама закранула нашы офісы. Гэта была самая смяротная ракетная атака на сталіцу з ліпеня», — заявіла фон дэр Ляен.
Яна дадала, што менавіта таму «мы працягваем аказваць максімальны ціск на Расію».
«Гэта азначае ўзмацненне нашага санкцыйнага рэжыму. У найбліжэйшы час мы прадставім наш 19-ы пакет жорсткіх санкцый», — падкрэсліла старшыня Еўракамісіі.
«Паралельна мы прасоўваем працу над замарожанымі расійскімі актывамі, каб спрыяць абароне і аднаўленню Украіны», — паведаміла фон дэр Ляен.
У выніку атакі ноччу 28 жніўня былі пашкоджаны Офіс Еўрапейскага інвестыцыйнага банка (ЕІБ) і будынак прадстаўніцтва Еўрапейскага Саюза.
Колькасць загінулых у выніку ўдару па Кіеве вырасла да 15 чалавек, сярод іх — чацвёра дзяцей.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі13
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары