На тэрыторыі Расіі раніцай 28 жніўня ў выніку выбуху знішчаная інфраструктура вузлавой чыгуначнай станцыі Цвер, паведамляе «РБК-Украіна».
Паводле інфармацыі крыніц «РБК-Украіна», атака на станцыю адбылася каля 05:00.
Як відаць на атрыманым рэдакцыяй відэа, пад чыгуначнымі цыстэрнамі, якія знаходзіліся на чыгуначным палатне і відавочна былі напоўненыя палівам, была закладзеная выбухоўка.
За некалькі секундаў адбыўся магутны выбух шляхам дыстанцыйнага падрыву. Пасля гэтага цыстэрны былі ахопленыя агнём з наступным распаўсюджваннем пажару на ўсю тэрыторыю чыгуначнай станцыі.
Як паведаміў суразмоўца выдання ў Галоўным упраўленні разведкі Украіны, атака на вузлавую станцыю Цвер з'яўляецца часткай комплексу мер па знішчэнні лагістычных магчымасцяў расіян.
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Каментары
Ніякага знішчэння інфраструктуры там няма.
Ёсць невялічкі выбух неведама чаго, неведама дзе.
Памятаю, напрыканцы 20га года з'явіліся ў тэлеграме пару каналаў, што збіралі грошы, быццам на нейкія дыверсіі, выбухі і падпалы.
Вось яны некаторы час такімі незразумелымі відэа разлічваліся. А потым зусім зніклі.