Былы міністр абароны Расіі, сакратар Рады бяспекі Сяргей Шайгу апублікаваў калонку ў «Россійскай газеце» пад загалоўкам «Афганістан: цярністы шлях да стабільнасці». У ёй Шайгу станоўча ацэньвае рух «Талібан», якія расійскія ўлады толькі ў красавіку 2025 года выключылі са спісу тэрарыстаў, піша Moscow Times.
Шайгу лічыць, што «Талібан» вядзе барацьбу з экстрэмістамі на сваёй тэрыторыі. «Кабул рэгулярна ліквідуе баевікоў ІДІЛ. Вядома, калі б не ўведзеныя краінамі Захаду карныя санкцыі супраць талібаў, гэтая барацьба была б больш эфектыўнай», — напісаў ён.
Па словах Шайгу, Афганістану трэба будзе яшчэ вялікая праца для стабілізацыі становішча ў краіне, а Расія гатовая аказваць талібам садзейнічанне па лініі сілавых ведамстваў.
«У Афганістане налічваецца каля дваццаці міжнародных тэрарыстычных арганізацый агульнай колькасцю больш за 23 тысячы баевікоў, якія ўяўляюць сур'ёзную пагрозу для рэгіёну і свету», — піша ён.
Шайгу ўсклаў адказнасць на цяжкасці ў аднаўленні Афганістана на заходнія дзяржавы, нагадаўшы, што $9 млрд дзяржрэзерваў ўрада талібаў застаюцца замарожанымі, хоць могуць быць накіраваны на вырашэнне праблем краіны. Таксама Шайгу заявіў пра правал амерыканцамі афганскай кампаніі.
«Неарганізаваны вывад войскаў, які пацягнуў ахвяры сярод мірных жыхароў, стаў сімвалам правалу адміністрацыі Джо Байдэна і хаосу ў знешняй палітыцы ЗША пры дэмакратах», — напісаў ён. У пацверджанне сваіх слоў Шайгу працытаваў цяперашняга прэзідэнта ЗША Дональда Трампа, які назваў сыход з Афганістана «самым ганебным днём у гісторыі ЗША».
Шайгу таксама абвінаваціў ЗША ў павелічэнні вытворчасці наркотыкаў у Афганістане: «Максімальныя аб'ёмы вытворчасці апіятаў прыйшліся на другі тэрмін прэзідэнцтва Барака Абамы і да 2017 года дасягнулі 9000 тон — у 43 разы больш, чым да прыходу амерыканцаў у Афганістан». Шайгу адзначыў барацьбу талібаў з наркавытворчасцю. Паводле яго слоў, ужо ў 2023 годзе плошчы пасеваў опіумнага маку, якія складалі раней каля 232 000 га, скараціліся на 95%, «на сёння 20 з 34 правінцый Афганістана лічацца свабоднымі ад наркаплантацый».
У чэрвені Расія першай у свеце афіцыйна прызнала ісламскі эмірат Афганістан — дзяржаўнае ўтварэнне, якое кіруецца рухам «Талібан». Расія павысіла статус дыпламатычных адносін з Кабулам, і ў Расіі з'явіўся пасол Афганістана.
Мама Бажэны Ярэміч, якая рыхтуе прыгажунь для Лукашэнкі, купіла элітны катэдж коштам $837 тысяч26
Каментары