Мужчына за грошы паабяцаў дапамагчы іншай фірме выйграць тэндар.
Жыхар Клецкага раёна працаваў галоўным інжынерам-механікам фірмы, якая займалася сельскай гаспадаркай. У красавіку 2024 года ён прыняў ад дырэктара прыватнай кампаніі 300 рублёў.
За гэтыя грошы галоўны інжынер паабяцаў дапамагчы выйграць тэндар на рамонт пагрузчыка і без праблем падпісаць акты выкананых работ.
Калі пра гэта стала вядома, на інжынера завялі крымінальную справу. Віну ён прызнаў часткова і аддаў дзяржаве 300 рублёў, пішуць «Мінск-Навіны».
Для 62-гадовага інжынера гэта была першая крымінальная справа. Суд прызначыў яму абмежаванне свабоды з накіраваннем на 2,5 гады, штраф у 12 600 рублёў і забарону займаць кіраўнічыя пасады на 5 гадоў. Па амністыі адзін год «хіміі» мужчыне скарочаны.
Цяпер чытаюць
Што вядома пра экс-афіцэра Службы бяспекі Лукашэнкі Андрэя Спасава, якога пасадзілі за палітыку1
Каментары