Канал Упраўлення адукацыі Мінгарвыканкама «Настаўнікі сталіцы» расказаў пра своеасаблівы пратэст школьнікаў, якіх пазбавілі магчымасці карыстацца мабільнымі тэлефонамі.
Аказваецца, у якасці помсты яны ламаюць унітазы, псуюць сцены і мэблю, здымаюць гэта на відэа і выкладваюць у сеціва. Паведамленне ў дзяржаўным канале вісела нядоўга і было выдалена, заўважыў Reform.news.
«Пасля забароны тэлефонаў у школах Беларусі, якая ўступіла ў сілу з 1 верасня 2025 года, у сацыяльных сетках з’явіліся відэаролікі, знятыя навучэнцамі ўстаноў адукацыі Мінска з выпадкамі вандалізму, уключаючы паломку ўнітазаў, псаванне сцен і мэблі», — падзяліліся праблемай чыноўнікі.
У паведамленні згадваецца калектыў Мінскага дзяржаўнага палаца дзяцей і моладзі, які асабліва занепакоены гэтай сітуацыяй.
«Мы разумеем, што абмежаванні выклікаюць незадаволенасць у дзяцей, але разбурэнне маёмасці — гэта не выхад. Энергія і крэатыўнасць, якія падлеткі накіроўваюць на дэструктыўныя флэшмобы, могуць быць выкарыстаныя больш прадуктыўна!» — лічаць ва Упраўленні адукацыі Мінгарвыканкама.
Чыноўнікі рэкамендуюць запусціць чэлендж «Перапынак без тэлефона»: арганізаваць зоны адпачынку з настольнымі гульнямі — ад шахмат да сучасных гульняў; запусціць прагляды кароткаметражных кліпаў; стварыць творчыя праекты, арт-аб’екты, падкасты; увесці школьны буккросінг, папулярызаваць чытанне, падаўжаць жыццё кніг.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам2
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары